Menu

Nóg að gera hjá Sporturum

Það hefur verið nóg að gera hjá Sporturum það sem af er árinu. Mikil aðsókn á grunnnámskeiðin okkar og iðkendur í framhalds- og sporthópum hafa verið að æfa vel. Alltaf gaman að sjá iðkendur ná árangri og bæta persónuleg met í WOD-um og lyftingum.

Þjálfararnir okkar hafa einnig verið að gera það gott. Þurí fór til Englands og keppti á Athlete Games. Hún stóð sig frábærlega vel og hafnaði í öðru sæti, aðeins tveim stigum á eftir sigurvegaranum. Ingunn keppti í ólympískum lyftingum á RIG og setti þar Íslandsmet í sínum aldursflokki þegar hún lyfti 88kg í jafnhendingu. CrossFit leikarnir fóru fram í lok janúar og tóku fjölmargir Sportarar þátt. Davíð Björns gerði sér lítið fyrir og vann mótið. Þar að auki áttum við fjöldann allan af keppendum á palli í hinum ýmsu flokkum.

Framundan er 'The Open', sem er undankeppni CrossFit heimsleikanna í sumar. Við hvetjum alla til að taka þátt. Ávalt hefur myndast stórgóð stemning og fjör á þessum tíma ársins.

Þurí á Athlete Games

Davíð á CrossFit leikunum

Ingunn á RIG

 

Read more...

Kæra CrossFit Sport samfélag

Árið 2008 hittumst við Leifur Geir og fyrir tilviljun fórum við að ræða um nýjasta æðið í líkamsrækt í USA, sem gekk undir nafninu CrossFit. Stuttu síðar tóku Leifur Geir og Jónína u-beygju í sínu lífi og við opnuðum fyrstu CrossFit stöð Íslands hér í Sporthúsinu. Flest þekkið þið svo eflaust framhaldið, en eftir örstuttan tíma vissi nánast hver einasti Íslendingur fyrir hvað þessi nýja ÍÞRÓTT stóð 
og CrossFit stöðvarnar spruttu upp hver af annarri. 
 
Strax í upphafi lögðu Leifur Geir og Jónína þær línur hjá CrossFit Sport að gæði, fagmennska og framúrskarandi þjálfarar yrðu einkennandi. Þegar Sporthúsið keypti rekstur CrossFit Sport vorum við svo lánsöm að allir okkar bestu þjálfarar héldu áfram hjá okkur og síðan þá hafa enn fleiri bæst í hópinn. Annað sem er óvenjulegt við CrossFit Sport samanborið við margar aðrar CrossFit stöðvar er að það þarf ansi góðan vilja til að flokka okkur eigendur Sporthússins með virkum CrossFiturum. 
 
Til þess að stytta boðleiðir og auka enn gæði okkar þjónustu höfum við því ákveðið að færa ábyrgðina af rekstri stöðvarinnar enn frekar til núverandi starfsfólks CrossFit Sport. Þannig hefur Erla Guðmundsdóttir verið ráðin framkvæmdastjóri CrossFit Sport og Ingunn Lúðvíksdóttir stöðvarstjóri.  Þær hafa skipt með sér verkum og munu með aðstoð annarra starfsmanna draga vagninn og gæta þess að CrossFit Sport verði áfram leiðandi í CrossFit þjálfun á Íslandi. 
 
Kær kveðja, 
Þröstur Jón Sigurðsson
Eigandi Sporthússins og CrossFit Sport
Read more...

Evrópuleikarnir 2014 - Saga CrossFit Sport

Eftir að Open lauk var ákveðið endanlega hverjir yrðu í liðinu og við tóku stigvaxandi liðsæfingar. Síðustu vikur fyrir mót hittumst við a.m.k. 2 sinnum í viku á milli þess sem við unnum hvert í sínum veikleikum. Eftir að WOD voru gefin út tæpum 2 vikum fyrir mót gerðum við lítið annað en að æfa þau og tókum við flest WOD-in 2 sinnum í heild sinni en svo tók hver og einn fyrir sitt hlutverk þar sem lítið var um skiptingar, eins og t.d. handstöðuarmbeygju wod-ið sem var í raun einstaklingswod.

Read more...

Lið CrossFit Sport sigurvegari Evrópuleikanna í Crossfit

Liðakeppni Evrópuleikanna í Crossfit 2014 er lokið og eftir þriggja daga keppni og 8 WOD stendur lið CrossFit Sport uppi sem sigurvegari.  Frábær árangur hjá þeim Daða, Davíð, Fríðu, Ingunni, James og Þurí, en þau skipuðu liðið í ár.  Lið CrossFit Sport verður því á meðal þátttakenda á heimsleikunum í CrossFit núna í sumar!

Read more...
Subscribe to this RSS feed